سيلين/ هو يبقى جوز واحدة صاحبتي. وتقريبا جاي يسألني على حاجة بخصوصها
محمود / ويسألك عن مراته ليه وانتي مالك. وبعدين هو انتي صاحبة سما عادل من أمتى
محمد / مش دي من أصحاب شركة SAT للهندسة والمعمار
سيلين بجدية / أيوة هي. واتصاحبت عليها في حفلة عيد ميلادي من شهر.
نور دخل ومعاه حارس علشان يعرفه الطريق.
وسيلين شافتهم جايين فقامت علشان تتكلم بعيد عن أفراد العيلة منعاً للإحراج
سيلين / عن اذنكم
أسر / استني انا جاي معاكي
سيلين قامت وأسر قام معاها و قابلت نور وبتشاورله على مكان تاني يقعدوا فيه في الجنينة
سيلين / اتفضل يا استاذ نور.اقعد
نور / انتي بقى سيلين تاج الدين
سيلين / أيوة انا ودا أسر تاج الدين جوزي اتفضل نقعد هنا
نور / انا مش جاي اتضايف انا جاي علشان مراتي.
مراتي اللي انتي دخلتي بيتي واخدتيها منه
أسر / أخدتها منه ازاي يعني.
سيلين/ اهدا يا أسر لو سمحت. هو بيسألني عن مراته
أسر / دا مش بيسألك هو بيتهمك بخطفها
سيلين / لا طبعا هو اكيد مش قصده كدة
نور / لا اقصد ولا مش أقصد. انا عايز اعرف اخدتي مراتي ليه وهي فين
سيلين ببرود / اخدت مراتك لأنها طلبت مني كدة. وبصفتها صديقة ليا انا ماقدرتش أرفض أما موضوع هي فين. فأظن أن دي حاجة انت مالكش تسألني فيها ولا انا ليا ارد عليك لأنها خاصة بيها. فرضنا أنها مش عايزاك تعرف مكانها.