( مهاب قاعد وبيراقب شمس وهي بتتكلم ومركز مع انفعلات وشها )
نور / طيب مين صحابها اللي دخلوا القصر بعد ما انتي دخلتي وانتوا خرجتوا معاهم
شمس / سيلين و نها
نور / مين دول
وأصحابها من أمتى انا اول مرة اسمع عنهم.
شمس ببرود / سيلين تاج الدين اتعرفنا عليها في الحفلة بتاعة عيد ميلادها من شهر و الدكتورة نها دكتورة نفسية. صاحبة سيلين. وسيلين عرفتنا عليها علشان تساعد سما تتخطى أزمتها
مهاب اخيرا اتكلم وهو عينه في عيون شمس / يعني انتي ماتعرفيش سما و نورسين فين
شمس / انا قولتلكوا نزلت بعد ما خرجنا من القصر بشوية وركبت مع الحرس بتوعي وسيبتها مع سيلين و نها في عربيتهم
نور / يعني هما مشيوا مع سيلين تاج الدين.
( وخرج نور بسرعة البرق من باب المكتب )
مهاب لسه قاعد مكانه وهو وشمس بيتبادلوا النظرات
مهاب بجمود / انتي عارفة مكان سما يا شمس
شمس بحزن / أيوة يا مهاب عرفاه بس انت طلبت مني ما اتدخلش علشان كدة مش هتدخل هسيب صاحبتي تعمل اللي هي عايزاه بدون ما اساعدها واقف جنبها
ودا لأنك طلبت مني كدة
ولو لاحظت أنك لما سألتني ادامه انا ماقولتش اني معرفش مكانها انا قولت الحقيقة وهي اني نزلت من العربية وماروحتش معاهم. لأني مش عايزة أكذب