مهاب / بس مدام سما مش هنا اصلا يا نور
نور بصوت عالي / نعم ازاي ده. انا متأكد أنها هنا
مهاب بحدة / نور وطي صوتك وفهمني في ايه بالظبط
نور / في اني سايب مراتي في البيت الصبح ارجع من شغلي لقيتها سابت البيت وخرجت مع مراتك لما كانت بتزورها واخدت بنتي معاها انا افتكرت أنها وصلتها عند أمها لكن روحت ولقيتهم ماشوفهاش اصلا ومايعرفوش أنها رجعت تتكلم
مهاب / طيب اهدا كدة واعقل أن شاء الله خير. يعني هتروح فين. أدخل وأنا هتصرف
نور دخل مع مهاب. المكتب وطلب من شمس تدخل وراهم
ودخلت شمس بكل ثقة اكتسبتها من مكالمة سيلين ليها
شمس / نعم يا مهاب. انت عايزني
مهاب / سما و نورسين فين يا شمس
شمس / سابت البيت وأنا عارفة انك هتضايق مني لأنك طلبت مني ما اتدخلش غير اني اهديها واهون عليها وبس
وأنا والله فعلا عملت كدة لكن هي رفضت تسمعلي اصلا
نور / طيب هي راحت فين
شمس بضيق منه / يعني هتكون فين يعني ما اكيد راحت بيتها. البيت اللي هتحس فيه بالأمان وأنه فعلا بيتها. مش سجينة فيه
نور / بس انا روحتلها عند أمها ومالقيتهاش هناك
شمس حمدت ربنا في سرها أن هو فهم الكلام زي ما سيلين قالت / كنت عارفة أنها هتعمل كدة. علشان نزلتني من العربية وطلبت مني اروح مع الحراسة بتاعتي