نور بعصبية / يعني ايه طلعتي من حياتي. انطقي قولي انتي فين. وماتنسيش اني اقدر اجيبك حتى لو تحت الأرض يا سما فأقصري الشر وقوليلي على مكانك على الأقل وقتها مش هعاقبك على تصرفك
سما / وياتري هتعاقبني ازاي بقى
بالضرب ولا الكره ولا الاغتصاب
نور / انا يا سما. انتي تتخيلي اني ممكن اعمل فيكي كدة
سما / انا فقدت الأمان معاك يا نور. انت بالنسبة ليا بقيت مصدر خوف ورعب
متوقعة منك إي حاجة تأذيني
انا وافقت اكلمك علشان حاجة واحدة. هي اني ماهربتش. انا بعدت وكمان اطمن بنتك مش في بيت حد غريب. انا وهي في بيتي.
البيت اللي أمها اتولدت وعاشت فيه. والبيت اللي انت ياما وجعتني وأنا لسه فيه.
انا في بيت بابا يا نور بس ماتتعبش نفسك و تيجي لأنك لو جيت انا مش هفتحلك الباب
انا مش هعمل زيك أو بمعنى أصح انا مش عارفة اعمل زيك. وانساك واقسى عليك واخليك تلف حوالين نفسك انا ريحتك وقولتلك مكاني انا وبنتك فين. وأي وقت تحب تشوفها اتصل بيا وأنا هخليك تشوفها دا إذا هي وافقت
نور / سما انا جايلك ولازم نتكلم وتسمعيني
سما ببكاء / ما انا ياما طلبت منك اتكلم وتسمعني. بس انت ماسمعتنيش..
رفضت بكل قوتك أنك تسمع يا نور
نور برجاء / كنت غلطان. يا سما وجاي دلوقتي بقولك نتكلم