محمود / عن اذنكم. تصبحوا على خير
( بعد ما محمود مشي )
محمد / ماكنتش قولتله يا احمد انت عارف اخوك عصبي بس كنت في وقتها رديت عليها مش تسكت وتيجي تقول لاخوك وتعمل مشكلة بينهم
أحمد / ماقولتلك سيلين اللي منعتني وبعدين اكيد مش ده اللي مضايقها. وأنا هحصل محمود أفهمه كدة. علشان مايعملش مشكلة وسيلين تعرف انى قولتله
محمد / اتفضل بسرعة
( وبقي أسر و محمد )
محمد بجمود / عملت ايه يزعلها
أسر / ليه بتقول كدة
محمد / علشان انا واثق أنك السبب في كل اللي حصل واللي سيلين قالته
@@@@@@@@@@@@@@@@@@@@
نروح لنور اللي بمجرد ماخرج من قصر تاج الدين. اتصل ب سما وبعد شوية هي ردت عليه
سما بهدوء / سلام عليكم
نور / انتي فين يا سما
سما / بتسأل ليه. علشان عايز تاخد حقوقك الشرعية ولا عايز توجعني تاني ولا في جرح جديد
نور / سما أوعدك اننا هنتكلم وهعمل اللي يريحك بس قوليلي مكانك فين
سما / بس انا مش مصدقاك يا نور. ما انت وعدتني بحاجات كتير قبل كدة وخلفت وعودك
مابقاش عندي ثقة فيك وفي كلامك
نور بخفوت / سما. حرام عليكي اللي بتعمليه فيا. انا عارف انك هربتي مني بسبب ضغطي عليكي وأنا بقولك مش هضغط عليكي وهسيبك براحتك
سما / بس انا ماهربتش يا نور. انا طلعت من حياتك. وللابد