آسر / ازاي يعني. ما ينفعش تخرجي من غيرهم
سيلين / انا مخنوقة منهم ومش عايزاهم معايا انا مستحملة نفسي بالعافية
محمود / خلاص امشي يا سيلين. واعملي اللي انتي عايزاه
( سيلين مشيت من قبل ما محمود يخلص كلامه و نها مشيت وراها بسرعة و فارس و رامي مشيوا وراهم بعربيتهم )
وهي سيلين بتمشي من ادامهم أسر كان هيمشي وراها ويمنعها من الخروج لكن محمود مسك دراعه ومنعه بهدوء لحد ما مشيوا بعربياتهم
أسر / منعتني ليه يا محمود. انت عارف انه ما ينفعش تخرج من غير حرس
محمود / بس هي مش هتخرج من غيرهم. اطمن انا هبعت حرس وراهم بس بدون مايحسوا لأنك لو ضغطت عليها هتعند
نورا / انا مش عارفة حصل ايه لده كله. ما احنا كنا كويسين وبنهزر ونضحك
محمد وهو بيبص لأسر / اكيد حد ضايقها بحاجة لدرجة انها تقرر تبات برة
هاجر / وهو مين اللي يتجرأ يضايق سيلين اصلا. هي دي حد بي
محمود قاطعها / هاجر. انتي بتتكلمي عن سيلين. البشمهندسة سيلين يوسف تاج الدين مش دي وياريت تراجعي كلامك كويس لأن سيلين خط أحمر
هاجر / لا خط أحمر ولا أزرق انا مش هتكلم معاها خالص زي ماهي قالت
أحمد / والله يبقى أحسن. وياريت زي ما مش هتتكلمي معاها ماتتكلميش عليها
محمود / احمدددددد. خلاص