أسر بضيق / وعادي كدة تقرري تباتي برة البيت بدون ما تستأذنيني
سيلين / اسفة. بس انا حسيت اني عايزة اتكلم مع نها و نقضي الليلة سوا. ولو عندك مانع بلاش
فارس / لا لا هو ايه اللي بلاش يا ماما خلصت على كدة. ونكمل السهرة عندنا بقى
رامي بمرح علشان سيلين وأسر / وأنا كدة جاي معاكوا انا كمان. علشان نعوض أيام زمان
نها / الله يرحم أيام زمان. أسر خلاص خطفك مننا ودلوقتي بنتحايل عليه علشان تقضي معانا ليلة
محمد بابتسامة/ والله فكرة حلوة علشان سيلين شكلها بدأت هرمونات الحمل اللي بيقولوا عليها دي اشتغلت معاها
سيلين بجمود / تسمحلي يا زوجي العزيز إني اقضي الليلة مع صحابي
أسر بجمود / لو دي رغبتك اتفضلي روحي معاهم مش همنعك يا زوجتي المصون
سيلين بجدية / يلا يا نها.
فارس / طيب ماتتفضلوا معانا يا جماعة ونكمل السهرة عندنا كلنا مع بعض
محمود / لا يا فارس اتفضلوا انتوا. وخدوا راحتكم
فارس / طيب يلا يا رامي خلينا نخلع وانت. يا أسر. تعالى أسهر معانا يلا
أسر / انا عندي شغل الصبح اتفضلوا انتوا
سيلين / يلا يا نها. اركبي معايا في عربيتي و رامي وفارس يركبوا مع بعض
فارس / طب مانركب كلنا مع بعض على الأقل نمشي من غير حرس كتير
سيلين/ انا اصلا مش هخرج ب حرس ولا حتى سواق.