محمود / ايه اخرتوا كدة ليه
سيلين/ ابدا يا محمود كنا بنتكلم
أحمد / كنتوا بتتكلموا عن ايه يعني
سيلين بضيق وصوت عالي / في ايه يا جماعة. هو تحقيق ولا هو مفروض عليا كل حاجة اعملها أو حد اشوفه ابرر ليه وازاي وامتى
نها / سيلين اهدي ما ينفعش العصبية دي غلط عليكي
سيلين بضيق / وهي العصبية بس اللي غلط عليا. اصلا الحياة نفسها غلط عليا. ربنا يولع في سيلين وياخدها علشان الكل يرتاح
هاجر / ايه دا كل ده علشان حد سألك عن
قاطعتها سيلين/ انا متخلفة ومجنونة وبتلكك وعايزة اتخانق وخلاص يا مدام هاجر
هاجر بصوت عالي/ انتي ازاي تكلميني بالأسلوب ده
محمود بحدة / هااااجر.
هاجر / انت مش سامع هي كلمتني ازاي وقالت ايه ولا عادي هي تعمل اللي هي عايزاه إنما حد غيرها لاء.
ازاي دي سيلين الدلوعة مابتغلطش اصلا ملاك
سيلين بهدوء وجمود / لا ملاك ولا غيره. انا اسفة إني كلمتك بالأسلوب ده. وحقك عليا وليكي اني مش هتكلم معاكي تاني خالص لا بالأسلوب ده ولا بأسلوب غير ده
( نها قامت وقفت ومسكت ايد سيلين تسحبها معاها )
نها / عن اذنكوا يا جماعة. الظاهر ان هرمونات الحمل ابتدت تشتغل معاكي يا سيلووو
سيلين سحبت ايديها من نها بهدوء و اتكلمت
بصوت مخنوق / انا اسفة يا جماعة عكننت عليكوا وبوظت السهرة. بس انا تعبانة شوية بعد اذنكوا. نبقى نعوضها مرة تانية. يلا يا فارس علشان انا هروح ابات عندكوا النهاردة