سما رفعت عينيها وبصت لنور. اللي هي واقعة بين ايديه وتحت رجليه ورجعت بصت لعيون صفية وشافت الشماتة فيهم
غمضت عينيها واستسلمت للسواد اللي محاوطها
عيشت عشان الحبيب
واهو الحبيب استغنى و أتخلى
طب أعيش لمين غيرك
دا انت دنيتي وعمري لا حبيت قبلك ولا هعرف أحب بعدك
سؤال مسجون بين قضبان قلبي. اتخلق من يوم ما قسيت عليا
هو انت اللي انا حبيته ؟ ؟ ؟
بقلم /أميرة السعادة أسماء أبوشادي
وقبل ما راسها تلمس الأرض كان نور حط ايده ورفعها. لكن كانت هي خلاص
نور بلهفة وخوف / سما. سما. سما ردي عليا
مافيش رد ولا جواب
ولا ينفع حزن ولا عتاب
واتقفلت في وشك الابواب
نور اتفاجئ أنها بتنزف دم من الأنف و ولون وشها بقى أصفر
@@@@@@@@@@@@@@@@@@@
في قصر يوسف تاج الدين
الحفلة خلصت والمدعووين مشيوا كلهم ومش باقي غير أفراد العيلة وأصدقاء سيلين بس
والمفاجئة أنهم عملوا ليها حفلة تانية خاصة بيهم هما
و قدمولها الهداية بعد ما طفوا الشمع في توتة كبيرة جدا وعليها صورة سيلين مع العيلة كلها وهي صغيرة وابوها شايلها وأخواتها حواليها والعيلة كلها وأسر كمان معاهم
سيلين كانت مبسوطة جدا ودفنت حزنها في قلبها علشان العيلة وعلشان أسر اللي بيفهمها من نظرة عينيها ماحبتش أنها تهدم فرحته