سما / ما لما يكون جوزي بيتكلم مع حربايه زيك عايزة تخرب بيتي لازم اتصنت
نور / سماااااا. اخرسي خالص
سما / لا مش هخرس وانت عجبك الكلام وكل اللي همك أنها معاها ولدين. وقاعد تسمعلها
صفية / وفيها ايه مش شرع ربنا ولا أن بجوله يعمل العيب وبت خاله ضفرها برجبتك انتي وأمك
سما / ماتجبيش سيرة ماما على لسانك دي أحسن منك ومن بلدك كلها على الأقل مابتخربش بيوت حد
نور قرب من سما بعصبية ومسكها من دراعها وبيهزها جامد / مش بقولك اخرسي. اطلعي يلا على أوضتك
سما بدون شعور منها بتحاول تتخلص من ايده / سيبني. انا غلطانة اني بستقبلك في بيتي اصلا. جوزي بيحبني انا وبنته ومش هيتجوز تاني سامعة. خطتك فشلت جوزي مش هيتجوز عليا لو مهما عملتي يا مفترية ( وبصراخ وحرقة ) يا مفترية. عليكي ربنا. عليكي ربنا. الله يهدك ويكفينا شرك
نور مسكها بأيديه الاتنين من كتفها / اسكتي. اسكتي خالص وايه رأيك اني هسمع كلامها وهتجوز بنت خالي و
قاطعته بصدمة / انت بتقول ايه
نور بعنف / بقول اللي سمعتيه انتي بتصرفاتك دي خلتيني أكرهك و
وماكملش كلامه لما جسمها بدأ يرتخي بين ايديه و وقعت في الأرض على ركبها وهي بتبصله هو وصفية
صفية بشماتة / أيوة اتكاهني اتكاهني واعملي الشويتين بتوع بنات مصر دول