في أوضة المكتب
صفية / تعرف رحاب بنت خالك عزيز
نور باستغراب / ممكن اكون اعرفها بس مش واخد بالي منها
صفية / بنت كيّف الجمر ( القمر ) اجمل واحدة في العيلة. كانت متجوزة وجوزها مات بقالوا 4 شهور. وسلفها عايز يتجوزها لكن انا جولت اجي اجولك
نور / وتقوليلي انا ليه ايه علاقتي بيها وبجوزها وسلفها
صفية / علاجتك أنها بت خالك وانت اولّ بيها من اخو جوزها
نور / انتي قصدك اتجوزها. انتي نسيتي اني متجوز
( سما وصلت ادام باب أوضة المكتب. وسمعت صوتهم لكن مافهمتش نور قال ايه فقربت اكتر علشان تسمع )
صفية / وفيها ايه ما سلفها متجوز بدل الواحدة اتنين ولو اتجوزته هتبقى التالتة. إنما أنت متجوز واحدة بس. وكمان خلفت بت وقطعت على اكديه إنما بت خلك خلفت ولدين وأنا مرات عمها الكبير و مربياها على يدي واضمنهالك تعيش طوعك بدل بت سلوى دي
( سما اتصدمت من الكلام و مش مستوعبة اصلا )
نور بدهشة / و معاها ولدين كمان
صفية / ما لما تتجوزها عمهم هياخدهم ماهما كبار الله يحرسهم
سما فتحت الباب بسرعة ودخلت بكل قوتها
سما بصوت عالي / انتي يا خرابة البيوت. جاية هنا تخربي بيتي اكتر ماهو مخروب وتجوزي جوزي
صفية بعصبية / انتي بتتصنتي علينا. اهي دي التربية ولا بلاش. سامع يا ابن اخوي