وبمجرد ما سما سمعت الكلام قلبها اتقبض لأنها بقت بتتشائم من وجودها وكرهتها جدا
نور اتخض لأن ماحدش بلغه من البلد بسفر عمته وأنها جت بشكل مفاجئ وكمان بالليل
فدخل بسرعة علشان يطمن منها
نور / عمتي صفية
صفية / أهلا يا ابن اخوي
نور بقلق / خير يا عمتي في حاجة حصلت في البلد
صفية / أي هو انا ما ينفعش أزور بيت اخوي إلا لو حصل حاجة
سما دخلت في الوقت ده / أذى حضرتك
صفية بأقتضاب ونظرات غيظ / أهلا
نور علشان يجذب نظر عمته / العفو طبعا يا عمتي ذا بيتك وتشرفي في إي وقت. انا بس استغربت مش اكتر لأنك جيتي بالليل وكمان ما اتصلتيش قبلها تعرفيني علشان استقبلك
صفية / اصلي جيالك عشان مصلحة اكديه
نور / طيب ارتاحي الأول من السفر وبعدين نتكلم
صفية / لا خير البر عاجله. ولازم تعرف دلوقتي
نور / خير يا عمتي
صفية / اي انتي هتفضلي واجفة ( واقفة ) اكديه عايزة اتكلم مع ابن أخويا
سما بحرج / عن اذنكم
سما طلعت على فوق ونور أتضايق علشانها لكن سكت لأن ده من وجهة نظره عادي في الصعيد وهي ضيفة ولازم تتحملها.
وبعد ما طلعت نور اخد عمته ودخل المكتب علشان يتكلموا
*****************
سما بعد ما طلعت قلبها انقبض وخايفة الست دي تخرب بيتها اكتر وتقول حاجة تانية لجوزها علشان يكرهها
فنزلت تاني وقررت أنها مش هتديها فرصة تعمل كدة