مهاب بحنان / اهدي يا شمس. اهدي حبيبتي
شمس / سامحني وصدقني هسمع كلامك في كل حاجة ومش هخرج من البيت خالص لو انت مش عايزني أخرج
ولو عايزني اعمل فحص كل يوم هعمل وهلتزم بكل اللي انت عايزه ولو مش عايزني أتحرك خالص مش هتحرك
انا بحبك اوى اوى اوى
مهاب بحب / وأنا بعشقك اوى اوى اوى وغصب عني بخاف عليكي اوى اوى اوووووووي
شمس / وأنا بعشق خوفك عليا. انت كنت بتقول أنك بتخاف على خوفك عليا. أنا بقى بعشقه زي مابعشق كل حاجة فيك
مهاب بابتسامة/ انتي كنتي مخبية كل ده فين
شمس / في القلب يا حبيب القلب والروح
مهاب / لا بسم الله ماشاء الله الحفلة جابت معاكي معفول
وشكلك مش عايزة تجيبيها البر اسكتي بقى خالص وكفاية كدة مش عايز اسمع الكلام ده غير بعد ما حملك يكمل 3 شهور
شمس بابتسامة / هانت كلها 8 أيام
مهاب / انتي بتحسبيهم بقى
شمس بخجل / م ما. ماعلشان انت واحشني
مهاب حضنها جامد بأشتياق.
صحيح هو كان جنبها طول الفترة اللي فاتت لكن كان بيتعامل بجمود وكان في حاجز بينهم
لكن هي قدرت بكل حب أنها تخفي الحاجز ده وتقطع المسافة بينهم قبل ما تكبر
@@@@@@@@@@@@@@@@@@@@
في قصر نور عز
وصلوا القصر وبمجرد ما الحرس فتحولهم الابواب. بلغوا أحد الحراس بوصول عمته من البلد من ساعة