كل الموجودين هللوا و رامي بيصفر مع التصفيق الحار من المدعويين
ونظرات سما وشمس المبهورين بيها وأسر اللي قرب منها و وقف ادامها بكل حب
أسر بهمس وهو بيحرك شفايفه وبيشاور على السما / بصي فوق
سيلين بقت للسما وانطلقت ألعاب نارية جميلة جدا جدا ومذهلة
على شكل قلب وسهمين واسم أسر وسيلين
والمدعوين انبهروا اكتر واكتر
وأسر قرب من سيلين وضمها لحضنه واشتلغت موسيقى رومانسية جدا
وبدأوا يتمايلوا عليها بكل رومانسية ونظراتهم كلها عشق
و الناس ابتدوا يشاركوهم في الرقص وكل واحد مع حبيبته
سما / بسم الله ماشاء الله ربنا يسعدهم يارب ويحفظهم
شمس بأبتسامة / اللهم امين. بجد عسل اوى قال وأنا اللي كنت فكراهم مش متجوزين على حب
سما / عادي ممكن فعلا يكون كلامك صح. بس حبوا بعض بعد الجواز
شمس / مش معقولة طبعا انتي شيفاهم عاملين ازاي
سما / شيفاهم وبقولك عادي. واحتمال كبير يكون ده صح. زي ما في ناس بيتجوزوا عن حب وحبهم بيضيع بعدين في ناس بيتجوزوا من غير حب. لكن بيتولد بينهم بعد الجواز
شمس / ربنا يسعد الناس كلها يارب
سما بأمل / اللهم امين
شمس / بقولك ايه. مش كفاية كدة ونمشي بقى انا بصراحة قررت أنفذ كلام سيلين من دلوقتي
سما / أحسن يلا بينا و ربنا يقدم اللي فيه الخير