سما باندهاش / أسود
شمس / اه والله. هي متجوزة ابن عمها بيشتغل ظابط وباين كدة ماكنتش راضية عن الجوازة لأن ايه اللي هيخليها تعمل كدة لو بتحبه
**************
محمود مسك الميك وأتكلم بثقة وكبرياء / أهلا وسهلا بيكوا. حضراتكوا نورتونا. ونورتوا قصر يوسف تاج الدين
وطبعا انتوا هنا بمناسبة عيد ميلاد سيلين
الملكة المتوجة على عرش عيلة تاج الدين
( وبعد كلمات ترحيب شوية وتفاخر بعيلته وأخواته )
طلب من سيلين تيجي وترحب بالضيوف
( ودي بقى نوع جديد لسما وشمس علشان يتعرفوا عليه )
سيلين بثقة وكبرياء/ مافيش كلام اقوله بعد كلام أخويا الكبير محمود تاج الدين
غير أن انا سعيدة بحضوركم واهلا وسهلا بيكم.
وشكرا لانكم قبلتوا تشاركونا الاحتفال
وأنا كنت عايزة اقول حاجة
اكيد كلكوا سمعتوا التجربة اللي انا خوضتها الفترة اللي فاتت في لبنان.
مش هقول اني بشكر حد
لأن اللي وقفوا جنبي هما عيلتي واحنا فى عيلتنا مافيش حاجة اسمها شكر بين أفرادها
بس اللي هقوله هو أن عيلة تاج الدين. هتفضل دايما في الصدارة وفوق في القمة
وافرادها زي الجبل العالي
واقف بشموخ وقوة بيتحدا إي حد وأي حاجة ومابتهمهوش عواصف ولا صعوبات
يعني يا جبل مايهزك ريح
الحمد لله ربنا انعم علينا بنعمة كبيرة جدا وهي ترابطنا وتمسكنا ببعض مهما حصل
احنا قلعة محصنة ضد أي عدو أو خسيس أو مافيا قلوبهم منزوع منها الرحمة. أو منافس فاسد
لكن مفتوحة للي بيتعاملوا نزاهة وشرف حتى لو كانوا منافسين لينا. دا مايصنعش منهم أعداء لينا.
اسفة إني طولت عليكوا بس قبل ما انهي كلامي أحب أذكر حاجة بسيطة النهاردة مش بس عيد ميلادى دا عيد جوازي
احلى حاجة في حياتي وعمري كله. ( وباجمل ابتسامة مليانة بكل معاني الحب والفخر ) أسر عادل تاج الدين ربنا يديمك في حياتي نعمة