الدكتور ساب نور ودخل بسرعة لزمايله. وبيفحصوها ولاحظوا أن النبض …………..
ماحدش بيعرف قيمة الحاجة إلا لما بيفقدها
نور واقف ادام الأوضة لكن جسم بس وعقله في مكان تاني خالص وتايه في لحظاته مع حبيبته ولحظة ماوقعت بين ايديه ونظراتها له
وخرج نفس الدكتور اللي كان لسه بيكلمه من شوية
الدكتور بأسف / الحالة نزفت كتير. و الظاهر ان حضرتك اتأخرت على ما وصلت بيها هنا وللأسف النبض وقف و
نور بخفوت / و ايه
الدكتور / البقاء لله
نور ضربات قلبه. بقت سريعة جدا. وكأنه هيقف
حبيبته ماتت.
ماتت بين ايديه
خسرها خلاص ومش هيشوفها تاني
افتكر نظراتها قبل ما تقع ولنا وقعت ادام رجليه وبصتله بصدمة وحزن
وافتكر نظراتها أول ما اتعرف عليها
وأول مرة شافها فيها. وشعرها لما كان بيطير حواليها
ويوم ما اعترفلها بحبه
وافتكر يوم فرحهم لما غنيتله ولما شالها ولف بيها. أو بمعنى أصح كان طاير بيها وهي مبسوطة وفرحانة وطرحتها بتلف معاهم وشعرها
وافتكر لما اتكلموا في أوضة الورد
وافتكر رحلة شهر العسل اللي لفوا فيها العالم كله
وفرحتها بالرحلة والأماكن اللي شافوها
وافتكرها وهي بتجري على شط البحر وشعرها بيطير حواليها وصوت ضحكتها واصل للسما
افتكر كل لحظاتهم الحلوة اللي كان مش فاكرها أو مش عايز يفتكرها
وافتكر محاولاتها أنها تكلمه وتقول منه طول الفترة اللي فاتت
واافتكر لما ولدت وشالوا بنتهم سوا
وتخيل لو بنته لما تعرف أن أمها ماتت وبسببه
هيقولها ايه. انا قتلت أمك
قتلتها مجروحة ومقهورة مني