سيلين بضحك/ ههههههههههههههههههههههه يا مفتري بتستقوى عليا
أسر بحب وهو بيحرك صوابعه على رقبتها بلطافة / عمري ما استقوى عليكي. انا قوتي ليكي انتي مش عليكي يا قلبي
سيلين بطلت ضحك واعصابها ارتخت خالص من لمساته / ربنا يخليك ليا يا حبيبي
أسر بحب / انا بجد مشتاقلك اوى لكن لو انتي مرهقة أو حاسة بتعب. فصدقيني مش هتضايق ابدا و
قاطعته سيلين وماسمحتش له يكمل كلامه لما حطت شفايفها على شفايفه بدعوة صريحة أنها كمان مشتاقة وعندها رغبة في حبه ليها ولمساته
وعاشوا ليلة من ليالي ألف ليلة وليلة. لكن مش شهريار و شهرذاد.
لاء دا أسر وسيلين
@@@@@@@@@@@@@@@@@@@@
في إحدى المستشفيات الخاصة
نور دخل جري وهو شايل سما بين ايديه ولسه النزيف ماوقفش و الفستان الأبيض بتاعها وحجابها اتبهدلوا بلون دمها وهدومه هو كمان برغم انه طول الطريق كانت راسها مرفوعة علشان النزيف يقف لكن للأسف ماوقفش
نور بصراخ / دكتور. فين الدكاترة اللي هنا.
وفي لحظات كانوا اخدوها منه على غرفة الطوارئ. والدكاترة بيكشفوا عليها. وفي دكتور بيستفسر من نور.
الدكتور / لو سمحت الحالة بتنزف دم من الأنف. فهل ده نتيجة حادثة أو اصطدام راسها في حاجة
نور بخوف شديد / لاء. هي وقعت بين ايديا ولقيتها بتنزف كدة