مهاب بعتاب حزين / ليه يا شمس . ليه تعملي كدة
شمس / غصب عني والله يا مهاب. بس انا كلمتك قبل كدة اكتر من مرة وانت بترفض وآخر مرة رفضت رفض قاطع
مهاب / ولما أنا رافض ليه تاخدي القرار مع نفسك وتنفذي بدون موافقتي
شمس بحزن / يا مهاب أنا بجد بزعل لما انت بتتعامل معايا على اني ضعيفة ومش طبيعية و
قاطعها مهاب / مارفضتش لأنك ضعيفة
رفضت لأني أنا اللي ضعيف ومش هقدر اتحمل
مارفضتش لأني أنا اللي مش طبيعي
أنا خايف. عارفة يعني ايه خايف
شمس / عارفة. عارفة يا حبيبي ولما بشوف الخوف دا في عينيك بتعذب اكتر
مهاب / وهو انتي فاكرة ان اللي بتشوفيه ده هو الخوف اللي جوايا فعلا. لا لالا.
دا مس ذرة منه حتى أنا لو أظهرت جزء من خوفي عليكي هخفيكي من الدنيا كلها
هبعدك عن كل حاجة وأي حاجة ممكن تضرك بنسبة واحد في المية
شمس / وانت فاكر ان كدة هبقى أنا مبسوطة
مهاب ضمها اكتر بقوة لحضنه / تعرفي اني كل لحظة انتي بعيدة عني فيها بفكر انتي بتعملي ايه حاسة بأيه. ومين حواليكي
طيب تعرفي أنا دلوقتي حاسس بأيه.
ّ لو كنتي تعرفي مستحيل كنتي تعملي فيا كدة
شمس بدموع في عيونها / مهاب أنا
مهاب دموعه نزلت / اوعي تعيطي. ماتبكيش كفاية الخوف على قلبي. لأنه مش هيقدر يتحمل عذاب دموعك كمان