آسر / يا حبيبتي مرهقة ترتاحي. مش تسهري وبعدين انتي بتصحي بدري
سيلين / عادي بقى انا اتعودت على كدة
وصلوا جناحهم وأسر نزلها على السرير بحنان و رقة وساعدها تغير هدومها لأنها مش مركزة من أثر النوم وبعدين غطاها وقعد جنبها يملس على شعرها
أسر / مبسوطة يا سيلين. حاسة بالأمان
سيلين/ طول ما انت جنبي ومعايا. وعيلتنا حوالينا. هكون حاسة بالأمان
واخدها في حضنه وناموا
و بيصبر نفسه أنه بكرة هيروي شوقها ليها
#############################
شمس اخدت العلاج وقعدت على السرير بعد ما بقت لوحدها تستنى مهاب
لكن نامت غصب عنها من التعب والإرهاق وكمان العلاج اللي اخدته
مهاب دخل وشافها وهي نايمة على السرير.
قرب منها. وعدل من نومتها وغطاها كويس. وقعدت جنبها يبصلها ويملي عينه منها
ولمجرد أنه افتكر الأيام اللي كانت تعبانة فيها رفعها وحضنها جامد وضم راسها على صدره
( وطبعا لو انتوا فاكرين. شمس نومها تقيل جدا وماحستش بأي حاجة )
النهار طلع والشمس أشرقت ومهاب ماقدرش ينام خالص وطول الليل وهو قاعد جنبها على السرير حاضنها
وأخيرا شمس فتحت عينيها وأول حاجة شافتها هي عيون مهاب
وكأنه كان منتظرها تفتح عينيها علشان يتأملهم
وبقيوا هما الاتنين يبصوا لبعض كتير.
دقايق مرت على شمس كأنها سنين