سناء حضنتها هي كمان / علشان انتي فعلا بنتي. وكمان رضعتك من صدري. كان أحمد عنده سنة وقتها. وكان ده غلط عليكي بس. بس انا عملت كدة بدون ما اعرف والحمد لله ربنا ستر. وكمان. انا بحس انك حتة مني. وأول ما اخدتك في حضني حمدت ربنا. أنه عوضني بيكي لأني كان نفسي في بنت اوي
سيلين بحب وحنان / ما أنا فعلا بنتك و محظوظة لأن عندي ام زيك
سناء ببكاء / اوعي تفتكري ان علشان انتي مش من بطني أبقى مش أمك. لا أنا أمك غصب عنك. غصب عن سامعه
سيلين/ سامعه يا حبيبتي
سامعه وشايفه وحاسه
******************
بعد ساعة. أسر وصل تحت وسأل عن سيلين وقالوله انها فوق مع مامتها بيختاروا تصميم فستانك. الحفلة. وهو طلع علشان يشوف هتختار ايه
دخل الجناح بتاعهم. ولما ماشافهمش في الصالون دخل أوضة النوم بعد ماخبط.
سناء بهمس / تعالى يا اسر
دخل لقى سيلين نايمة على رجليها وهي بتملس على شعرها
أسر بخفوت / هي سيلين نامت.
سناء/ أيوة الظاهر كانت مرهقة اوى فبعد ما اخدت شور نامت تحب انزل علشان ترتاح انت كمان
أسر / لا طبعا خليكي مرتاحة يا طنط أنا نازل تاني
وخرج أسر وهو هيولع لأنه قرر يروح بدري علشان خاطر يقضي وقت مع سيلين بعد ماقالتله انها هترجع بدري.( و يا حرام. اخد بمبه 
)