سناء/ ربنا يخليكي حبيبتي ويباركلي فيكي أنا جهزتلك لبس اهوه البسيه وتعالي
سيلين/ حاضر تسلم ايدك
سيلين لبست هدومها في غرفة الملابس وخرجت تاني لمامتها
سناء اخدت سيلين جنبها في حضنها. وحطت اللاب على رجليها
سناء/ ايه رأيك في الفستان ده
سيلين بضحكة بسيطة / الله جميل. بس مش كبير على ملك ده
سناء/ لا دا مش لملك دا ليكي انتي
سيلين/ ايه دا. ليا انا. حضرتك بتهزري صح دا أطفالي اصلا وشبه فساتين باربي
سناء / ما احنا هنعمل عليه تعديلات علشان يليق بيكي ونظبطه
سيلين بضحك / حضرتك بتتكلمي جد
سناء/ أيوة. لأني حاسة ان الفستان دا معمول علشانك اصلا وكمان اللون الوردي الفاتح ده وكمان مع الطبقة اللامعة. هيليق عليكي اوى
سيلين/ ماما. أذا كنت مالبستش كدة وانا صغيرة اصلا
سناء/ وهو انتي كبرتي اصلا يا سيلين وبعدين ركزي معايا بس في التفاصيل اللي هنغيرها وبعدين إذا ماعجبكيش خلاص
( وبعد ما شرحت سناء )
سيلين بأنبهار / واو. دا هيبقى زي فستان اميرات ديزني وباربي
سناء/ ماهو انتي أميرة. أميرتي يا قلب ماما
سيلين/ ربنا مايحرمني منك يا أطيب قلب في الدنيا
سناء / اه يا قلبي. اوعي يا سيلين تشكي في حبي ليكي ابدا. أو أنك بنتي
سيلين حضنتها / لا طبعا انتي مامتي. ومستحيل أشك في كدة او انسى ابدا أنا لو ماكنتش عرفت ان. أن ……( وبلعت ريقها ) . كنت مستحيل أصدق انك مش اللي ولدتني بسبب حبك وحنانك