سناء / أنا طالعالها
. ( واخدت اللاب اللي عليه التصاميم وطلعت ورا سيلين )
****************
سيلين دخلت الجناح بتاعها وأول حاجة عملتها دخلت الحمام تاخد شور دافي يريحها وتغير الهدوم بتاعتها
سناء خبطت على باب الجناح. بس ماسمعتش رد سيلين فدخلت وخبطت على باب أوضة النوم
سناء/ سيلين حبيبتي ممكن أدخل
( ماسمعتش رد برضوه فدخلت بعد ما فتحت الباب
وبتبص حواليها على سيلين مش لقياها بس عرفت انها في الحمام لما سمعت صوت المايه
حطت اللاب على السرير ولأنها عارفة عادة سيلين. لما بتاخد شور بعد الشغل. مش بتاخد معاها هدوم ولا بتجهزها.
دخلت غرفة الملابس وجهزتلها لبس مريح. بنطلون برمودا قطن وتيشرت مناسب له وخرجت قعدت على السرير تتفرج على التصاميم على ماسيلين تخرج
بعد شوية سيلين خرجت من الحمام وهي لابسة روب الاستحمام ولقيت مامتها قاعدة على السرير
سيلين/ ماما.حضرتك هنا
سناء/ اتخضيتي حبيبتي ولا ايه
سيلين / لا ابدا. بس أصلي ماحستش بدخول حضرتك
سناء/ ما أنا طلعت وراكي علطول وانتي كنتي بتاخدي شور سيبتك براحتك. اسفة اني دخلت من غير اذنك. عارفة انك بتضايقي من
قاطعتها سيلين/ ماما. ماتتأسفيش. انتي تدخلي في أي وقت طبعا والكلام ده مش ليكي انتي