سيلين/ سلام عليكم
الكل / وعليكم السلام ورحمة الله
سناء بأبتسامة/ كويس انك جيتي يا حبيبتي. كنت لسه هتصل بيكي
سيلين/ خير يا ماما في حاجة
هاجر زوجة محمود / أصل الديذينر اللي بيصمملنا الفساتين. مفروض يبعتهم بكرة من باريس بس قال انه حاول يتصل بيكي اكتر من مرة لأنك ما اختارتيش تصميم فستانك لحد دلوقتي
سيلين قعدت على الكرسي بأرهاق / مس لازم هبقى اشتري فستان من هنا وخلاص
هاجر / أزاي ما ينفعش مش هتلاقي حلوة خالص وبعدين هو قال لسه في وقت يقدر يعمل فيه فستانك
سناء/ اختاري يا حبيبتي من الصور اللي هو بعتهالنا علشان نرد عليه بسرعة
سيلين بلا مبالاة / اختاري حضرتك بدالي وابعتيله
نورا زوجة محمد / طيب ما تختاري انتي دلوقتي. واحنا قاعدين كدة ونبعتها
سيلين وقفت / لا انا مش قاعدة. اصلا انا جيت بدري لأني مرهقة شوية وطالعة ارتاح. وبعدين اختاروا أنتوا. أنا عليا أحضر الحفلة وبس
( وسابتهم سيلين وطلعت على الجناح الخاص يليها هي وأسر )
هاجر بتذمر / يوووووه.
صافي / طب فيها لو كانت اختارت دلوقتي يعني
سناء بتنهيدة / خلاص أنا كدة كدة اخترت تصميم وهبعته بس هوريهولها الأول
صافي ضيق / ودا أزاي بقى إنتي ماشوفتيش هي طلعت أزاي ولا كأننا بنتكلم معاها.