نور نزلها على الأرض / طيب يا قلب بابي روحي يلا كملي فطارك.
( وبص لسما بنظرات نارية ) عايزك
وخرج بره وهي خرجت وراه
سما / نعم
نور بحدة/ ماتحاوليش تستخدمي البنت في أي حاجة بيني وبينك أو تشوهي صورتي في دماغها علشان ماتجيش فوق دماغك انتي
سما / انت اتجننت ايه اللي بتقوله ده وانا امتى دخلت بنتي بينا وازاي هشوه صورتك
نور مسكها من دراعها جامد / أومال الكلام اللي هي قالته ده منين ها. من راسها ولا راسك انتي. وتاني مرة وأنا بكلمك لو قررتي طريقتك دي هخليكي تندمي فاهمه
( وسابها وكما طريقه وركب عربيته ومشي من القصر وهي دخلت تاني لبنتها وهي بتبتسم )
بااااااااااااااااااااااااااااااااك
نورسين / مااااااامييييي
سما بخضة / ايه فى ايه. مالك يا حبيبتي
نورسين / بقالي كتير بنادي عليكي وحضرتك مش بتردي عليا
سما بأبتسامة / اسفة يا حبيبة مامي. ما اخدتش بالي
نورسين / طب يلا بقى علشان نروح عند تيتة
@@@@@@@@@@@@@@@@@@@@@
الساعة واحدة الظهر
في قصر عادل تاج الدين
سيلين وصلت القصر بدري النهاردة لأنها تقريبا خلصت شغل ومافيش عندها حاجة مهمة وكمان حاسة بصداع فراحت لآسر مكتبه وعرّفته انها هترجع ترتاح شوية علشان مرهقة
سيلين دخلت لقيت ستات العيلة كلهم متجمعين
مرتات أخواتها ومامتها ومرتات اعمامها