مهاب / تروحوا وتيجوا بالسلامة. وخد راحتك واتفسحوا براحتكم
جميلة / طيب ما تيجي معانا يا ابيه انت وشمس
مهاب / لا مش هينفع. اولا علشان شمس وصحتها والحمل ثانيا علشان الشغل
شمس / روحوا أنتوا يا حبيبتي واتفسحوا لينا وليكوا
مهاب حس ان شمس محتاجة تغير جو شوية لأنها علطول متضايقة. وغير هو معاملته متغيره معاها من وقت خبر الحمل. فقرر أنه يروح الحفلة خصوصا أنه هي كلمته الصبح عليها علشان تروح
( طبعا سما كلمت شمس واتفقوا أنهم يروحوا لأنهم بيسمعوا عن الحفلة دي كتير. لكن مهاب الصبح رفض. )
مهاب / شمس جهزي نفسك بالليل هنروح حفلة تاج الدين
شمس باهتمام / بتتكلم جد
مهاب بصلها وما اتكلمش ولا رد عليها
@@@@@@@@@@@@@@@@@@@
مساءا
في قصر يوسف تاج الدين
الكل مستعد
أفراد العيلة كأنهم امراء بلبسهم اللي اخر شياكة
وسبحان الله الوسامة والجمال بالوراثة زي الكبرياء بالظبط بيجري في دمهم كلهم
محمود واقف بيستقبل الضيوف ومعاه أسر و رامي ومحمد وأحمد.
أما عادل وسامي. قاعدين مع شخصيات مهمة
وهاجر مع محمود عايشة شخصية ارستقراطية. وبتستقبل الضيوف. و معاها صافي
وليلى و رحمة زي الأميرات في فساتينهم وكل العين عليهم.
( مال وجمال. بقى كل واحد جاي يصتاد عروسة وكمان في بنات جاية تصتاد عرسان. 
)