سما / بستأذنك رايحة حفلة سيلين تاج الدين النهاردة بالليل
نور / لاء
سما / لو سمحت ماترفضش الحفلة دي انت عارف انها مش مجرد عيد ميلاد بالعكس دا بيحضرها اهم ناس في مصر وبيعتبروها يوم سنوي للتجارة والهندسة ولكل المجالات. ومهم اني أحضرها. لو انت مش عايز تروح عادي
نور / وهتروحي مع مين إن شاء الله لو انا. ماروحتش معاكى
سما بأقتضاب / مع أنس لأنه غير أنه اخويه شريكي
نور / استعدي الساعة 8 ونص. هنروح الحفلة
لأنها بتبقى مليانة صحافة و وجودك هناك من غيري هتتسبب في شائعات كتير
سما / اللي يريحك
وخرجت سما وسابته
من جواها مبسوطة جدا والدنيا مش سيعاها
أخيرا هيخرجوا مع بعض يمكن الأمور تتصلح ما بينهم
بس رجعت ويأست
سما لنفسها / ماتضحكيش على نفسك يا سما نور خلاص بيكرهك وتوقعي منه أي حاجة تجرحك
مستحيل نرجع زي الاول
##########################
في قصر مهاب العدلي
على سفرة الفطار
مازن / أنا وجميلة ان شاء الله مسافرين بالليل شرم نغير جو. وهنسيب شمس هنا معاكوا
سامح / كويس بس ماتطولش هناك
جميلة / لا ناخد شمس معانا. مش هعرف اروح من غيرها
شمس / يا حبيبتي روحي وماتقلقيش عليها. هي مع الولاد وكدة كدة هما متعلقين ببعض. عادي يعني
مازن / سمعتي. وبعدين دا هما يومين مش هنطول دا بعد اذن مهاب طبعا