سيلين بأبتسامة/ عارفة انك مش مرتاح هنا. ومش حاسس انه بيتك. وأنك برغم انك بتحب العيلة واللمة لكن برضوه بتحب الهدوء. وكمان بتحب تاخد راحتك في كل حاجة وتتصرف زي ما انت عايز من غير ما تعمل حساب لوجود حد.
علشان كدة لحد دلوقتي مش قادر تتأقلم كويس.
أسر بأبتسامة/ لا دا انتي بجد عارفة بقى
سيلين/ لو انا ماحستش بحبيبي مين يحس
أسر / انتي ملكة الاحساس يا حبيبتي. صدقيني أنا مش متضايق رغم أن كل اللي قولتيه صح إلا انه كفاية عليا اشوف ابتسامتك والفرحة في عينيكي
سيلين بحنان / برضوه عارفة ومتأكدة 100% من كدة. وماتقلقش يا حبيبي أنا عندي حل
أسر / أن نرجع بيتنا صح. بس ده صعب بعد ماقررنا اننا نعيش هنا. وخصوصا بابا مبسوط جدا ومش عايز ابعد تاني وازعله. وكمان انتي هنا افضل كتير من هناك
سيلين/ بس الحل اللي انا قصدي عليه. مش اننا نروح نعيش في بيتنا اللي فالكمبوند
أسر / أومال قصدك ايه
سيلين سحبته ودخلت الفرندا ( البلكونة ) / شايف قصر بابا.
أسر / أيوة شايفه
سيلين / والمسافة اللي بين القصر ده وقصر بابا. مناسبة جدا اننا نعمل عليها بيت خاص بينا
أسر / قصدك نبني بيت وسط القصرين
سيلين/ بص يا قلبي. احنا هنهد سور القصر بتاعنا وسور القصر ده. ونبني البيت في المسافة ده. ويبقى قصر أحسن من دول كمان. وإذا كان على الجنينة والمساحة الخضرا والبيسين كمان
فأحنا علشان كدة هنهد الأسوار ونعمل سور كبير حوالين القصور كلها ويتحاوط كويس وبكدة تكون دي قلعة عيلة تاج الدين