سيلين بأبتسامة/ أنا كدة كدة خلصت معاهم وهخرج معاكى وهما يبقوا يحصلونا
رامي بأبتسامة/ طيب اخلعي انتي وسيبيني مطحون هنا يا سيلووو
ليلى / استحمل يا رامي بقى لحد ما الفينال يخلص وارجع اساعدك في الشغل
رامي بنظرات رومانسية/ أن شاء الله لأني خلاص تعبت.
سيلين/ احم. طيب نخرج احنا بقى. ركز بقى معاهم يا رامي. ها. ركز
رامي / ما أنا مركز اهوه
أسر / لا يا خفيف ركز اكتر واتعدل بدل ما اعدلك أنا
خرجت سيلين مع ليلى. وقعدت معاها هي ورحمة. وبيتكلموا عن تصاميم الفساتين
وشوية وخرج رامي وكمان اتكلم عن البدلة بتاعته
( تحس أن عندهم العيد مش حفلة عيد ميلاد 
)
والكل بيتكلموا. وياخدوا رأي سيلين.
وأسر قاعد هيطلع شرار من ودانه
سيلين بعد فترة طويلة طلعت الجناح بتاعهم
وأسر طلع وراها وفاجئها لما حضنها من ضهرها ودخلوا مع بعض وقفلوا الباب وراهم
سيلين / وحشتني
أسر / وحشتك دا انتي هتتعاقبي عقاب يا سيلين
سيلين بضحك/ ليه يا قلب سيلين
أسر / يومك مش فايت كمان مش عارفة ليه دا كدة العقاب هيتضاعف
سيلين / ومين قالك اني مش عارفة. ولا هو زيادة عقوبات وخلاص
أسر / وحشتيني ومش عارف اتلم عليكي شوية. بجد ندمت اني اصريت نعيش هنا
سيلين / عارفة
أسر / عارفة ايه