وقعدت سما تحكي لبنتها حكاية وتملس على شعرها وفعلا نامت نورسين بعد ماغلبتها وحكيتلها اكتر من حدوتة
وخرجت من أوضة نورسين لقيت نور ادامها
تجاهلته وراحت على اوضتها
نور اتعصب وراح وراها لكن قبل ما يدخل هي وقفت على الباب ومسكته بأيديها علشان مايدخلش
سما / نعم
نور / أنا مش قولتلك تحصليني على المكتب
سما / كنت بنوم نورسين وخلصت وعايزة أنام لأني تعبانة وأن شاء الله يوم تاني أبقى احصلك على مكتبك
نور بحدة/ أنا حذرتك الصبح بس شكلك نسيتي تحذيري
سما / سوري أصلي بقيت بنسى كتير. عن اذنك علشان عايزة أنام
نور انتبه انها ماسكة الباب بأيديها / انتي واقفة كدة ليه وماسكة الباب مفروض انك بتمنعيني أدخل يعني
سما / لا مش مفروض هو فعلا انا بمنعك لأنه خلاص دي بقت اوضتي لوحدي وانت مابقاش لك مكان فيها.
نور مسك ايديها ونزلها من على الباب وسحبها ودخل بيها الأوضة واتكلم بصوت عالي / سمااااااا. لو فاكرة اني هسكتلك على كلامك ده ومش هعاقبك عليه تبقي عبيطة
سما بسخرية / عاقبني زي ما انت عايز مابقتش تفرق
نور بعصبية / سمااااا
سما / بدون ذعيئ وصوت عالي علشان البنت ممكن تصحا. قول انت عايز ايه وسيبني أنام
نور / لتاني مرة هقولهالك ماتدخليش البنت بينا. وماتعلميهاش الكذب. عايزة تقعدي في عند أمك براحتك روحي إنما بنتي لاء
ماتنامش فبيت حد غريب