سما / لا بسم الله ماشاء الله انتي عسولة اوى وشكلك بالفستان دا كيوت جدا وقمر.
شمس بأبتسامة / أيوة الفستان عاجبني اوى. يجنن صراحة
سيلين/ اتفضليه
شمس / ههههههه الله يخليكي يا قمر
( نها جاية من بعيد وبتنادي على سيلين )
نها / انتي فين يا سيلين بدور عليكي من بدري تعبتيني
سيلين/اسفة يا قلبي بس اتأخرتي ليه انا استنيتك من بدري
نها / ما الأخت فريدة هي ومندو اخرونا. ماكنوش عايزين يصحوا ولا اللي نايمين نوم أهل الكهف
سيلين بضحك بسيط / هههههههههه من تعب السفر بس
نها / تعب سفر ايه يا اختي بلا واكسة
شمس وسما / ههههههههههههههههههههههه
نها / ايه دا هو في ضيوف هنا يا فضيحتي
سيلين/ هههههههههه ما انتي اللي هرمونات الحمل عامله معاكى شغلها ومش شايفه حد ولا عاجبك حاجة
اعرفك البشمهندسة سما عادل حرم الأستاذ نور عز. والأستاذة شمس المصري حرم الأستاذ مهاب العدلي
شمس / لا استاذة ايه. اسمي شمس علطول
سما / وأنا برضوه. سما وبس
نها / وأنا بقى الدكتورة نها. وقولوا دكتورة نها الطول اصل مش بعد الدراسة دي كلها وتقولولي نها بس
الكل / هههههههههههههههههههههههه.
سيلين/ عقدة الدكاترة بقى
نها / لا بهزر طبعا. انا نها وبس. واسفة لو كنت قاطعتكم ولا حاجة او ازعجتكم اصلي من وقت ما جيت بدور على الأخت دي ولا اللي بتدور على عيل تايه في مولد وقولت انا الاقيها مش هسكتلها بس لاقيتكم واقفين معاها بقى