سما / هي معاها حق يا شمس
سيلين/ وانتي كمان. الحياة أصعب من أنك توقفيها على مشكلة بينكم
في مشاكل كتير فى الحياة وصعوبات لو شوفتيها هتعرفي أنك في خير والحمد لله
من الاخر انتوا الاتنين عيشوا حياتكم وماتضيعوش وقت على مشاكل تافهه بتوقفوا بيها حياتكم وتنكدوا على نفسكم
مع أن لو ركزتوا هتعرفوا أن الموضوع بسيط جدا وماستاهلش كل ده وبشوية ذكاء يتحل واحمدوا ربنا
شمس وسما / الحمد لله على كل شيء
شمس بخجل / انا اسفة على الطريقة اللي كلمتك بيها من شوية. بس
قاطعتها سيلين / ولا يهمك انا فهماكي وفرصة سعيدة اني اتعرفت عليكوا وانتوا منورين الحفلة
شمس / الله يخليكي دا نورك
سما / بس انتي برضوه ماقولتيش ليه سايبه الحفلة وقعدة هنا
سيلين / عادي تقدري تقولي اني كنت عايزة استفرد بنفسي شوية.
شمس / بصراحة انا لما شوفتك استغربت لأني متخيلاكي غير كدة خالص. اصلي بسمع عنك كتير. لكن طلعاتي أبسط مما توقعت
سيلين / وياترى سمعتي ايه
شمس / يووووه كتير. بس من غير زعل. مغرورة و متكبرة وجميلة جدا وذكية وجذابة.
بس لما اتكلمت معاكي لقيتك فعلا في قمة الجمال والذكاء أما الغرور مش موجود فيكي
سيلين بأبتسامة / لاء موجود. لكن مش دايما بتلاقيه. بيظهر في وقته. دا عامل وراثي في عيلتي ههههههه اما الجمال فأنتوا اجمل