سيلين/ لو حاسة انك غلطانة اعتذري
شمس وسما اتخضوا لما سمعوا الصوت. وبيبصوا لقيوا سيلين قاعدة على جزع شجرة وراهم
سما / انتي مين
سيلين/ انا سيلين تاج الدين. واسفة لو كنت سمعت كلامكوا بس دا بدون قصدي
سما / بس لو انتي سيلين تاج الدين ليه قاعدة كدة
شمس / أيوة انا عرفاكي شوفت صورتك قبل كدة في المجلة.
سيلين/ كويس. كدة عرفتي ان انا سيلين تاج الدين. أما بالنسبة إيه انا قاعدة كدة. فعادي ماتدوقيش. خلينا في موضوعك. لو قلبك حاسس انك غلطانة اعتذري واتنازلي علشان يقبل اعتذارك أما لو مش غلطانة. قوليله وجهة نظرك ودافعي عن نفسك وماتقبليش بالظلم أو البعد
سما ابتسمت بيأس / وفكرك انا ماحاولتش اعمل كدة
سيلين / حاولي تاني وتالت
سما / رافض يسمع
سيلين/ اجبريه يسمعك. اومال تسكتي وتسيبيه عايش في دور الضحية وتفضلي تعذبي نفسك كدة
شمس / إحم احنا اسفين اننا ازعجناكي عن اذنك
سيلين / لحظة انا لسه ماخلصتش كلامي معاكوا
انتي كنتي بتشتكي من خوف جوزك عليكي صح
شمس بحدة / أيوة بس افتكر ان دى حاجة تخصني
سيلين/ عارفة أنها تخصك. بس برضوه هقولك على اللي عندي
بيخاف طمنيه هو خايف يفقدك يبقى انتي حسسيه بالأمان وأنك جنبه ومستحيل تبعدي عنه
ميعاد فحوصاتك والكشف قبل ماهو يقرر اطلبي انتي منه
لو حسيتي بصداع قوليله. وبكده هيثق فيكي وأنك لو حسيتي بحاجة هتعرفيه فهيطمن
أحمدي ربنا على جوزك غيرك مش لاقى وقليل اوى لوبقى في زوج بيخاف على زوجته