ومن بعد منهم. وصل مهاب العدلي وشمس مراته
مهاب بهيبته المعهودة
وشمس بجاملها الطبيعي وعيونها الساحرة
لابسه فستان زي بتاع سما بالظبط. بالحجاب البنفسجي برضوه لكن هي ماحطتش أي ميكب غير كحل وبس
( طبعا هما اتفقوا يعملوا كدة )
دخلوا مع بعض بكل قوة وكأنهم بيتحدوا الكون كله. وهما أيديهم في ايد بعض. مش هي ماسكة في دراعه لا
الايد في الايد والقلب متيم بعشق القلب والعيون أقسمت أن العشق واحد بس ومن بعده مافيش حد يملاها
$$$$$$$$$$$$$$$$$$$$
بعد شوية جوا الحفلة
اختفت سيلين عن العيون. واختلت بنفسها
سيلين / يا ترى لما كنتي بتيجي مصر. كنتي بتشوفيني ازاي. طيب يا ترى دخلتي الحفلة قبل كدة.
طيب كنتي بتضايقي وأنا بعيدة عنك وفي نفس الوقت ادامك لكن مش قادرة تحضنيني
تعرفي أن انا عندي استعداد ادفع عمري كله وكل حاجة وصلتلها في حياتي. مقابل بس حضنك
لحظة واحدة في حضنك تساوي الكون وما فيه
صحيح سناء هي كمان ماما. لكن مش زيك.
مابحسش معاها زي ماحسيت أول ماشوفتك. برغم انك اهنتيني وكسرتي خاطري وقتها إلا أن قلبي حس بأحساس مختلف اوى
كان نفسي ألمسك بأيديا. حتى لما طردتيني وعرفت انك تعبتي وفي المستشفى جريت عليكي. وكنت هموت وكان عندي استعداد أضحى بأي حاجة علشان تعيشي.
كان نفسي وقتها احضنك ولما عرفت انك خلاص موتي ومابقتيش موجودة في الدنيا حزنت. زعلت اووووووي. كنت بلوم نفسي على زعلي عليكي واقول ماتستاهلش
كنت بتعذب بسبب حزني على مرضك وموتك وأحاول اطرد الحزن من قلبي واقول انا معرفهاش ومش أمي
لكن قلبي كان بيخوني. ودي احلى خيانة في كل عمري
انتي تستاهلي تفضلي عائشة جوايا. انتي ما ينفعش تموتي أبدا
انتي احلى وأطيب وأقوى أم في الدنيا.
تفضل عمري كله ادعيلك واتمنى ربنا يجمعني بيكي انتي وبابا في الاخرة
علشان وقتها مش هيكون في مافيا تفرقنا ولا مسافة بينا ولا اسرار مانعرفهاش