أسر / انتي أد الكلام الحلو ده
سيلين/ طبعا واكتر من كدة كمان
أسر / طيب اثبتي على كلامك بقى علشان شوية كدة وهنخلع من أم الحفلة دي عشان انا زهقت
سيلين/ ههههههههههههه زهقت. دي لسه في أولها. الفرجة لسه ماخلصتش والمصالح لسه ما ابتدتش بس انت اللي عمرك ماحضرت الحفلة لاخرها
أسر / لا حضرتها لاخرها مرة. وكانت احلى مرة في عمري. السنة اللي فاتت لما بقيتي مراتي فيها
سيلين / اكيد بس دي مش محسوبه. اولا لأنك بالظروف بتاعة الحفلة وقتها. والحوار اللي كنتوا عملينوا عليا. كان لازم تفضل للآخر وكمان هي اصلا خلصت بدري. علشان انا كنت عايزة انكد عليكوا يومها بس سبحان الله النكد كان من نصيبي انا
أسر. / نكد 
نكد يا سيلين.
سيلين/ إيه يا بابا انت مش فاكر نفسك وقتها كنت عامل ازاي
أسر / ولو رجع بيا الزمن هعمل نفس اللي عملته واكتر كمان اومال اسيبك تبقي لغيري. مستحيل. بعدك عني دا هو المستحيل نفسه
سيلين بشرود/ لو رجع بينا الزمن انا بقى اللي هعمل حاجات كتير. ندمانة اني معملتهاش
أسر / حبيبتي ال
قاطع كلامهم. عادل
عادل / أسر سيلين تعالوا معايا علشان عايز اعرف أسر على الناس المهمين في البيزنس بتاعنا يا سيلين هينفعوه جدا
سيلين / أيوة طبعا يا عمي معاك حق روح اتعرف عليهم يا أسر. وأنا هروح اشوف رامي والبنات