سيلين بجدية / انتوا عملتوا ايه في موضوع الحرس والأمن
عادل / موضوع ايه يا سيلين
سيلين لمحمود / محمود اوعى تكون نسيت أو أهملت الموضوع ده
محمود / لا مانسيتش ولا اهملته. و زودت الحراسة زي ماقولتي
سيلين بأنفعال بسيط / بس انا كلامي ماكنش في زيادة الحراسة
أنا قولت يتعمل ليهم كلهم جرد. والمقصر يمشي وتيجي ناس ثقة ويتضاعف العدد على أي مكان بيتواجد فيه اي فرد من أفراد العيلة. حتى النادي الرياضي. وكمان طلبت أجهزة استشعار واجهزة حديثة للمراقبة تتحط على القصرين و
سامح / حيلك حيلك. ايه كل ده.
محمد / ليه المبالغة دي يا سيلين
سيلين/ دي مش مبالغة دي حماية. وضروري. لأن أحنا عندنا منافسين كتير ومش عارفين هما بيفكروا ازاي
فلازم نكون اخدين احتيتاطنا كويس بحيث مايكنش في فرصة لأي كلب يغدر بينا
آسر / ماتقلقيش يا سيلين. أنا هشوف الموضوع ده بنفسي وهزود الحراسة زي ما انتي عايزة اطمني يا حبيبتى
صافي / هو في ايه هى حرب ولا ايه أحنا مش هينفع نتحرك بحراسة اكتر من اللي بنتحرك بيها اصلا وكمان في حراسة كتير على القصر وكاميرات مراقبة
سيلين/ أيوة احنا في حرب ولا هو حضرتك ماتعرفيش ( وبصت لكل الموجودين )
أحنا عندنا في شغلنا اكتر من 1000 منافس في كل مجالات شغلنا ودول بس الموجودين في مصر. والله أعلم هما كدة ولا اكتر كمان وربنا أعلم هما بيفكروا ازاي ومش كل الناس نضيفة وبتنافس بشرف
في اوساخ كتير مستنين بس فرصة علشان يكسرونا أو يتغلبوا على اسم تاج الدين
ياريت مانسمحش لحد يعمل كدة طلاما كله بأيدينا