سما بلهفة / بعد الشر. انا مستحيل اختار أنه يموت
سيلين/ دي مش اجابة على فكرة انا بقولك هتختاري ايه
سما بلوعة وحزن / أنه يتجوز عليا. صحيح دا صعب ويقهرني لكن كفاية انه هيكون عايش وموجود في الدنيا
سيلين/ طيب تمام. هو بقى ما اتجوزش عليكي. هو وجعك اه وجرحك تمام. وكسرك اكيد. لكن كلنا متفقين أنك واثقة أنه بيحبك وبيعشقك كمان صح
الكل / صح
سيلين/ الحل بقى ايه. اننا نلجأ لقاموس كيدهن عظيم
سما بترقب / انتي قصدك ايه
سيلين بثبات / هتعاقبيه و توجعيه وتجرحيه وتاخدي حقك تالت ومتلت وبعد كدة ترجعيله ويعيش طول العمر هدفه أنه يعوضك عن الفترة اللي عيشتيها دي
شمس بأستنكار / وهي بعد ماتعمل اللي قولتيه ده هو اصلا هيفكر يقربلها تاني
سيلين/ ما انا لسه بقول هنستخدم الكيد العظيم. ودا ماتستهونيش بيه ابدا
نها / مش فاهمين حاجة يا سيلين
سيلين بابتسامة خبيثة / افهمكوا انا
شمس / قولي قولي دا انا هتعلم منك بلاوي والله ما مصدقة انك أصغر مني
سيلين/ بصوا يا حبايبي واتعلموا. هو دلوقتي ندمان. وانتي جواكي طاقة سلبية ضده. طلعيها.حتى لو هتنفجروا بيها انتوا الاتنين مش مشكلة. المهم تطلع
يعني مثلا. يا شمس انتي متضايقة من جوزك ونفسك تشتميه.تكبتي في نفسك الشتيمة لاء طبعا