هاجر / اوووووووف. محمود رافض يكلمني و واخد موقف وهي بتتجاهلني ومهما أحاول اكلمها كأنها مش شيفاني
سناء / ماتقلقيش شوية وهتروق وتكلمك تاني. بس سيبيها شوية
نورا / معاها حق يا هاجر. اصبري شوية سيلين قلبها أبيض اصلا ومش بتزعل مننا كتير
@@@@@@@@@@@@@@@@@@@@
كانوا مفروض يتقابلوا في الشركة بتاعتها لكن نظرا لحالتها السيئة بعد مواجهة نور رجعت تاني على البيت
وقرروا يتجمعوا هناك
سيلين بزهق/ طيب انتي بتعيطي ليه دلوقتي
شمس / سيبيها يا سيلين تعيط اللي حصل برضوا مش شوية
سيلين/ طيب ماهو اللي حصل ده حاصل من زمان وهي عاشته بكل تفاصيله وكانت هديت وقولنا مرحلة وعدت دلوقتي بقالها اكتر من ساعة بتعيط ليه
سما / المواجهة صعبة اوى يا سيلين. صعبة اوى
نها بنظرات ثقة / انتي بتعيطي علشانه يا سما . بتعيطي علشان قولتي الحقيقة اللي وجعته وعلشان شوفتي وجعه من كلامك. بتعيطي عليه صح
سما ببكاء شديد/ غصب عني والله العظيم. انا عارفة ان ده ضعف مني بس اعمل ايه. هو اول واخر حب في حياتي. ما اتحملش أي حاجة توجعه وفي نفس الوقت زعلانة منه اوى ومش قادرة اسامحه
سيلين بجدية/ سما بطلي عياط وبصيلي لو سمحتي
لو اضطريتي تختاري بين وجعين
وجع أنه يتجوز عليكي أو أنه لا قدر الله يموت. تختاري ايه