***********************
خرجت سيلين علشان تروح عند مامتها سناء لكن قبل ماتروح قابلت مهندس الديكور بتاع بيتها هي وأسر
المهندس / صباح الخير ازي حضرتك يا بشمهندسة سيلين
سيلين/ صباح النور يا بشمهندس حسين. ايه الأخبار
مهندس حسين/ تمام حضرتك انا بعتت امبارح لحضرتك تصاميم تختاري منها علشان الفرش وطبعا كل اللي بعتهولك يناسب ديكورات والوان القصر وطلبات حضرتك
وانتظرت ردك عليهم
سيلين/ اسفة بس انا تقريبا مالمستش اللاب بتاعي امبارح
هشوفهم وابعتلك اللي نختاره أن شاء الله
مهندس حسين/ تمام وانا في انتظار حضرتك. استأذن انا
سيلين/ لا تستأذن ازاي اتفضل الأول انت مادخلتش لسه
مهندس حسين/ اسف بس لازم اروح الشركة وحضرتك عارفة المواعيد و عادل بيه مابيرحمش في المواعيد
سيلين بضحك / طيب خلاص عفونا عنك. علشان خاطر عمي بس
( وكملت سيلين طريقها علشان تروح تفطر وبعد مافطرت مع سناء وسط نظرات هاجر اللي متضايقة من تجاهلها ليها. رجعت الجناح بتاعها واخدت اللاب وخرجت علشان تتقابل هي و نها و شمس في عند سما.)
بعد خروج سيلين
هاجر / يا ماما ارجوكي اتكلمي مع سيلين
سناء بلطف / والله يا هاجر حاولت اتكلم معاها لكن هي طلبت مني ما اتدخلش
انا مش فاهمه ايه وصل بس الأمور بينكوا لحد كدة