@@@@@@@@@@@@@@@@@@@@@@
في قصر عادل تاج الدين
نزلت سيلين من الجناح بتاعها وهي حاسة بكمية كسل فظيعة
سيلين/ صباح الخير
رانيا وصافي / صباح النور
رانيا / حبيبتي اخليهم بجهزولك الفطار
سيلين بابتسامة/ لا شكرا يا طنط هروح افطر عند ماما علشان هي كمان لسه مافطرتش ومستنياني
صافي / طب كويس علشان ماتفطريش لوحدك لأنك بقيتي بتتأخري في النوم
سيلين / والله انا لو ماكنتش ورايا مشوار. كنت كملت نوم وماصحيتش دلوقتي اصلا
رانيا بضحك / هههههههههه مين يصدق ان انتي سيلين اللي كانت بتصحا من الساعة 6 الصبح وتفضل تجري في الجنينة وبعدين تحضر الفطار
وتروح الشغل واليوم بتاعها بيبقى بأسبوع بالنسبالنا
سيلين بطريقة مضحكة/ ماخلاص يا طنشطشي هناخد زمنا وزمن غيرنا
رانيا وصافي / هههههههههه هههههههههه
سيلين/ اضحكوا اضحكوا ما انتوا خلاص خلفتوا وفلتوا والدور بقى عليا اللي لسه حامل في شهرين ومابقتش قادرة اقوم من السرير
صافي / دا لسه الطريق طويل لسه ماشوفتيش الوحم
سيلين بشهقة / نعم اومال اللي انا فيه دا ايه
رانيا / وخم
سيلين/ نعم وهي فرقت النقطة اللي بين الحاء والخاء
صافي / يعني عايزة تنامي كتير. خمول يعني إنما لسه الوحم بقى حاجات تانية
سيلين/ ربنا يطمنكوا بالخير والله. اروح للست اللي هتموت من الجوع بسببي