سما / تمام تمام. ادعيلي بس
سيلين/ حاضر هدعيلك. بس لما تخلصي كلميني. علشان نتقابل ونشوف عملتي ايه
*******************
قبل ما نور يقطع الطريق على سما كانت هي وقفت بالعربية ونزلت منها
هو كمان وقف بعربيته وراها ونزل
نور بعصبية / ممكن أ
قاطعته سما / لو سمحت نورسين في العربية واحنا فى الشارع. بلاش نفسيتها تدمر اكتر
نور بعصبية مكبوتة / ولما انتي خايفة عليها ليه الجنان بتاعك ده
سما بجمود / الله يسامحك متشكرة لحضرتك ممكن بقى اروح اوصل بنتي علشان اتأخرت على مدرستها
نور / سما بدون ولا كلمة هاتي البنت واركبي العربية معايا
سما / ما ينفعش انا هوصلها بنفسي
نور / يا سما انا ماسك نفسي عنك بالعافيه بلاش عّنادك ده دلوقتي
سما / بس دا مش عناد يا استاذ نور. وطلاما خايف على بنتك اوى كدة وشايف اني مجنونة اسألها هي هتوافق اننا نركب معاك عربيتك
نور / نعم. انتي قصدك ايه
سما / بعدين هتفهم قصدي. اوصل بنتي مدرستها ونتكلم بعدها
نور / مش هسيبكوا تروحوا لوحدكم
سما / تقدر تمشي ورايا بعربيتك
( وسابته سما واقف مكانه بدون ما تسمع رده. وركبت عربيتها ومشيت. وهو ركب عربيته ومشي وراها )
وصلوا ادام المدرسة. وسما نزلت مسكت ايد بنتها وبتنزلها من العربية