سيلين/ هو مالحقش يعرف ولا حاجة. دا هو أساسا كان واقف تحت بيتك
سما باستغراب / ايه
سيلين/ مش وقته المهم ركزي معايا. دي فرصة كويسة علشان تتكلموا مع بعض
سما / نورسين معايا هوصلها المدرسة وكمان انا مش جاهزة اتكلم دلوقتي
سيلين/ لاء انتي جاهزة يا سما ماتتهربيش وخودي فرصتك
بصي عايزاكي تقولي كل اللي نفسك فيه واللي شيلاه في قلبك بمعنى اصح. انفجري
سما / انا خايفة وحاسة ان انا أضعف من اني اعمل كدة
سيلين/ ماتخافيش وخودي من ضعفك قوة
مش لازم تكوني قوية وكأنك رايحة تحاربي. انتي هتتكلمي مع جوزك. واللي انا وانتي متأكدين أنه بيحبك حتى لو كان قاسي عليكي
يعني ضعفك بالنسبة ليكي سلاح
سما بتوتر / انتي شايفة كدة
سيلين/ وأبو كدة واخواتها والعيلة كلها
بصي انا تطلعي الكبت اللي في قلبك بقاله شهور
انا مش هسألك دلوقتي انتي لسه مصرة على الطلاق ولا لاء
بس انتي حتى لو هتبعدي خودي حقك الأول
وبعد كدة شوفي إذا كنتي هتقدري ترجعيله ولا لاء
سما / يالهوي دا قرب مني اوى وتقريبا هيقطع عليا الطريق
سيلين/ اقفي بسرعة قبل ماهو يعمل كدة. وكأنك لسه واخدة بالك منه. وماتسمحيلهوش أنه يتعصب عليكي أو يتكلم
انزلي من العربية وسيبي البنت فيها. واتفقي معاه تتكلموا بعد ماتوصليها