سيلين/ دا اتأخر النهاردة انا قاعدة من بدرى وماشوفتهوش قولت لو لقيته كنت هنزل بدل ما انا قاعدة لوحدي كدة
أسر / وماصحتنيش ليه طلاما انتي لوحدك
سيلين/ صراحة كنت هعملها لكن قلبي ماطوعنيش
أدخل انت بقى جهز نفسك وأنا هنزل لمحمود علشان واحشني وعايزة اتكلم معاه شوية
أسر بغيظ/ حبيبتي انا عارف انه اخوكي و كدة بس ياريت تراعي اني بغير.انا بستحمل وبسكت كتير لكن ماتزوديهاش علشان ما انفجرش فيكوا. ايه واحشك دي. انا بس اللي اوحشك وياريت مش كل ماتشوفوا بعض انتي وأخواتك تقضوها احضان ولا احضان المسافرين. مع انكوا عايشين في مكان واحد
سيلين بضحك / هههههههههه ياااااه كل ده شايله في قلبك يا اسورتي
أسر / اسورتك. امشي يا سيلين انزلي شوفي اخوكي امشي
سيلين/ امشي ولا انزل. ارسيلك على بر
أسر / انتي يا بت مالك كدة صاحية سخنة عليا اوى
سيلين بضحك / ولا سخنة ولا حاجة خلاص يا عم هريحك مني وانزل لاخويا
@@@@@@@@@@@@@@@@@@@@
في شقة سما
أول يوم من وقت ما سابت القصر تنام براحة واطمئنان علشان عارفة انه موجود معاها في نفس المكان
صحيت في ميعادها وفتحت الباب بهدوء وخرجت تشوفه لقيته نايم زي ماهو
دخلت تصحي نورسين علشان ميعاد المدرسة
وبعدين راحت المطبخ في هدوء وجهزت الفطار
ورجعت تاني ل نورسين علشان تجهزها
وبعد ما خلصت