وقامت سما ودخلت اوضتها تاني ونامت جنب نورسين بعد ماقفلت الباب بالمفتاح تاني
@@@@@@@@@@@@@@@@@@@@@
صباحا
في قصر عادل تاج الدين
خاصة في جناح أسر وسيلين
أسر فتح عيونه لنا حس بالفراغ جنبه
قام وبص حواليه لكن مالقاش وجود لسيلين ودخل الحمام يشوفها مالقهاش
أسر / سيلين. سيلين
سيلين / انا في البلكونة يا اسر
أسر بابتسامة / صباح الخير
سيلين بابتسامة/ صباح النور يا حبيبي
أسر / غريبة. أول مرة تصحي قبلي من مدة
سيلين/ مدة ايه هو اسبوع مافيش غيره
أسر / طيب ايه بقى اللي خلاكي تصحى بدري
سيلين بفرحة / اصلي حلمت ب بابا
أسر / بجد
سيلين/ اه والله. وحلم حلو.كنت انا لسه صغيرة في الحلم وهو ماسك ايدي وبنتمشى زي ماكنا بنعمل.
أسر / وايه كمان
سيلين/ بس كدة. هو الحلم كان قصير اصلا. لكن قحيت مبسوطة اوى.
أسر باسها من خدها / يارب دايما تكوني مبسوطة يا قلبي
صحيح هنروح للدكتورة الساعة كام
سيلين/ الساعة 4 هعدي عليك في الشركة ونروح
أسر / أن شاء الله
سيلين/ أسر ممكن اطلب منك طلب
أسر / أؤمري يا قلبي
سيلين/ لو طلع اللي في بطني ولد هسميه يوسف
أسر بابتسامة/ حبيبتي دي مش محتاجة تطلبيها. بس لو طلع بنت انت اللي هسميها ايه رأيك
سيلين/ أن شاء الله
أسر وهو بيبص في الجنينة / الظاهر محمود لسه ماخلصش ساعة الرياضة بتاعته