نها / طب انا لو مش عايزة اعيط ومافيش دموع اصلا اعمل ايه
سيلين/ يعني احنا هنغلب اجري على أي أوضة واقفلي على نفسك كأنك بتعيطي أو اعملي نفسك انك بتغمضي عينك جامد علشان مافيش دموع تنزل
( 
خدوا بالنصيحة. دي نصايح من دهب. اي خودعة اتعلموا بس اللي هتروح تقول لجوزها انا مش مسؤولة. وبالنسبة للشباب. لو دا حصل معاكوا انا ماليش اي ذنب. انا بس بوفق راسين في الحلال )
واستمرت سيلين في النصايح وبعد كدة مشيت هي ونها علشان هيتغدوا النهاردة مع بعض و وهما في العربية
سيلين/ المهندس بتاع الديكور بعت حاجات علشان نختار منها الفرش المناسب ابقي اختاري بقى فرش أوضتك
نها باستغراب/ أوضة ايه
سيلين / الأوضة بتاعتك اللي انا جهزتها في بيتي
نها / انتي بتتكلمي جد. عيزاني اختار فرش أوضة الضيوف
سيلين/ لاء عايزاكي تختاري فرش أوضتك انتي. كلامي واضح
نها / انتي قصدك اني هيكون ليا أوضة في بيتك
سيلين/ أيوة طبعا. علشان لما تحبي تباتي عندي سواء لوحدك أو مع فارس. تكون جاهزة.
نها بفرحة / احلى سيلو. في الدنيا بس ماكنش في داعي لكدة
سيلين/ يا عبيطة انتي اختي وبيتي هو بيتك زي مابيتك هو بيتي. ولا ايه
نها / طبعا يا قلبي ربنا مايحرمني منك ابدا
سيلين/ ولا منك يا عمري