سيلين/ زي ما انت قولت عرفت من كام يوم. لكن ماكونتش متأكدة. والنهاردة روحت عند دكتورة وكشفت واتأكدت
أسر / طيب ليه ماعرفتنيش من الأول. ليه خبيتي عني
سيلين/ ماكنتش عايزة اقولك إلا لما أتأكد وبعدين كنت عايزة اقولك بطريقة مناسبة
فكرت استنى واعملك المفاجأة بالليل. لكن ماقدرتش صراحة كنت عايزة اشوف فرحتك دي بسرعة
أسر بفرحة / احلى فرحة في الدنيا واحلى هدية منك ليا يا احلى حاجة في حياتي يا دلوعة قلبي
سيلين/ أيوة ركز على دلوعتك دي. علشان لو بعد ما نخلف اتغيرت. انت حر هخلي عيشتك نكد
أسر بخوف مصطنع/ في ايه يا سيلين دا الحمل لسه ماكملش شهرين وبتهدديني ربنا يبعد عننا النكد
سيلين/ اللهم امين
ودلوقتي جه وقت الباقي
أسر / باقي ايه
سيلين/ العيلة. هتصل بأخواتي واخليهم ييجوا هنا هما واعمامي والكل علشان افرحهم معانا ويشاركونا فرحتنا
أسر بأبتسامة / ربنا يفرح قلبك علطول يا قلبي
بصي اتصلي ب محمود ومحمد وأحمد. ولما نروح في العشا نبقى نقول للباقيين
اتصلت سيلين بمحمود واتكلمت معاه علشان يقابلها في المطعم. ضروري وهو استغرب جدا خصوصا أنها ماراحتش الشركة النهاردة
لكن ساب الشغل وراحلها فورا
وبعدها اتصلت بمحمد وأحمد ورامي كمان
وبعد نص ساعة كانوا وصلوا المطعم كل واحد بعربيته لأنهم مايعرفوش أنها كلمتهم كلهم