شمس / هههههههههه اكيد طبعا. لابوه. وعن اذنك بقى امشي انا علشان ارجع على القصر لسه ماروحتش
مهاب / انتي روحتي لسما
شمس / أيوة
مهاب / وهي عاملة ايه دلوقتي
شمس بفرحة / اتكلمت يا مهاب
مهاب / بجد. اتكلمت
شمس / أيوة وبصراحة الفضل لسيلين ربنا جعلها سبب علشان تتكلم
مهاب بأستغراب / سيلين تاج الدين
شمس / أيوة أصل هي راحت معايا عند سما واتكلمت معاها شوية و ببص لقيت سما اتكلمت تأثيرها أحسن من الدكاترة النفسيين
( وقعدوا يتكلموا شوية وبعدين مهاب قرر يخرج معاها ويتغدوا برة. ويقضي باقي اليوم معاها )
@@@@@@@@@@@@@@@@@@@
سيلين بعد خروجها من عند سما اتصلت بالمطعم بتاع العيلة وطلبت منهم يحجزوه كله النهاردة وقررت تعمل مفاجأة لأسر
وراحتله علي الشركة
وطول الطريق. وهي بتحمد ربنا على هديته ليها
بعد كل الظروف اللي مرت بيها ومش هتسمح لخوفها انه يضيع فرحتها بحملها
*******************
وصلت الشركة ودخلت المكتب علطول
سيلين بدون مقدمات/ أسر ممكن تيجي معايا
أسر / حبيبتي ليه في حاجة حصلت
سيلين بجدية/ من غير ليه لو سمحت. ممكن تيجي معايا ولا مش فاضي وعندك شغل
أسر / يتحرق الشغل انتي أهم يلا
وخرجوا من الشركة وركب أسر العربية مع سيلين. ومستغرب هما رايحين فين وكل شوية يسألها
واللي مستغربله اكتر ان سيلين بقالها كتير مش بتتحرك بالعربية بنفسها ودايما السواق هو اللي بيسوق. وهي بتبقى ورا بتشتغل على اللاب أو بتراجع شغل ضروري