مهاب بصوت عالي/ الاجتماع انتهى ونبقى نكمل وقت تاني اتفضلوا
ومع خروج آخر موظف من المكتب
كانت شمس اترمت في حضن مهاب والدموع نزلت من عيونها بشكل رهيب
مهاب بخضة / حبيبتي في ايه مالك. حد زعلك ردي عليا
شمس / سيبني اعيط في حضنك يا مهاب. ارجوك
انا محتاجة اعمل كدة اوى
مهاب / انا كلي ملكك وأبكي براحتك لحد ماترتاحي
وبعد دموع كتير وبكاء شديد
مهاب بهدوء / ممكن اعرف بقى حبيبتي مالها
شمس بأبتسامة / والله يا حبيبي أنا حسيت ان انا عايزة اعيط في حضنك. في الأول اترددت علشان انت مابتحبنيش اعيط ودا بيزعلك لكن بصراحة ماقدرتش وفكرت بأنانية في اني اريح نفسي واحقق رغبتي
مهاب بعدم اقتناع/ يعني عايزة تفهميني أن مافيش سبب لكل ده
شمس / هو بس انا أفتكرت كل حاجة مرت علينا في حياتنا واتأثرت ولقيت نفسي هعيط وجيتلك. انت اتضايقت
مهاب بابتسامة/ عمري ما أتضايق من كدة ابدا يا شمسي. انا حضني ملكك. انا كنت هتضايق لو ماعملتيش كدة. انا صحيح بزعل من دموعك وبكرهها لكن لو هتنزل من عيونك لازم ايدي تكون موجودة علشان تمسحها. ودراعي علشان يضمك وصدري علشان تنزل عليه
شمس بمرح بسيط / وقميصك علشان يتغرق منها هههههههههه
مهاب / هههههههههه الوحم يا قلبي عامل معاكى عمايله ضحك وعياط في يوم واحد ( وحط ايده على بطنها )
الواد ده شكله هيطلع شقي اوي