نورسين بحزن / انتي لسه بتعيطي يا مامي. دماغك بتوجعك اوى
( وباست راسها تاني ) انا بوستك تاني غلطان الصداع يروح زي ما كنتي بتعملي معايا يا مامي
سما حضنتها جامد / حبيبة قلب مامي وعمر مامي.
نورسين بفرحة / مامي انتي اتكلمتي صح اتكلمتي
سيلين بنظرات لسما / أيوة يا حبيبتي مامتك اتكلمت. اتكلمت علشانك
نورسين / انا مبسوطة اوى يا مامي
سيلين/ عن اذنكم انا لازم امشي. وفكري مع نفسك يا سما. وبعد ما تفكري معاها فكري فيها
( سيلين خلصت كلام وخرجت )
@@@@@@@@@@@@@@@@@@@@
بعد ما سيلين مشيت
شمس قعدت شوية مع سما ولما اطمنت عليها. خرجت من عندها هي كمان.
وطول ماهي في العربية بتفتكر كلام سيلين لأنه زي ما أثر على سما أثر عليها هي كمان وفكرها بكل اللي شافته في حياتها
وبدلا ما كانت هتروح على القصر طلبت من السواق يروح الشركة عند مهاب
*******************
مهاب في الشركة
قاعد في اجتماع مع الموظفين الإداريين بيتكلموا عن إدارة الشركات والفروع
شمس وصلت وبدون حتى ما تقول سلام عليكم للسكرتيرة أو تخبط على الباب دخلت علطول
مهاب اول ما شافها وقف فوراً واتخض من شكلها
وهي كانت واقفة بتقوله بنظراتها انا محتجالك
مهاب / شمس. في حاجة حصلت.
شمس حركت راسها بنفي وفضلت واقفة مكانها. مابتتحركش و مهاب قرب عليها و وقف ادامها وبيبص في عيونها بقوة كأنه بيتعمق فيهم