شمس / الحمد لله يا حبيبتي اعرفك طنط سيلين
نورسين / ازيك انطي سيلين
سيلين بأبتسامة / أهلا يا قلبي. انطي جميلة منك اوى
نورسين / انطي هي ماما بتعيط ليه
شمس / أصلها حاسة بصداع اطلعي يلا غيري هدومك يا حبيبتي ولما تنزلي ماما هتكون كويسة
نورسين ( حضنت سما وباست جيبينها وابتسمتلها وطلعت )
سيلين/ شوفتي بنتك.
بنتك اللي انتي مش حطاها في حساباتك
هي اقوى منك
لم دخلت شافت دموعك وزعلت ومع ذلك ابتسمت في وشك علشانك
وحضنتك واهتمت بيكي في وقت اللي انتي واجبك تهتمي بيها وتحتويها
لكن انتي ولا همك. مفروض لو انتي ضعيفة نظرة واحدة منها تخليكي قوية علشانها مش علشان نفسك
انا جيت علشان اطمن عليكي لأنك مريضة. لكن للأسف لقيتك ميتة مش مريضة
سما بدموع / كفاية. كفاية ارجوكي ارحميني
سيلين/ ارحمي انتي نفسك وبنتك. واحمدي ربنا علي حالك في غيرك ربنا ابتلاهم بلاء ملهوش دوا لكن هما صبروا. وانتي اصبري على بلائك و بطلي ضعف واستسلام.
شمس / خلاص يا سيلين. علشان هي صحتها ماتتحملش اكتر من كدة. انا ما صدقت سمعت صوتها تاني
سيلين/ هو انتي فاكرة انا كدة اتكلمت.للأسف في كلام كتير اوى جوايا بس مش هقوله. لأني زي ماقولتلك شفقانة عليكي
( نورسين نزلت تاني بعد ما غيرت هدومها وضربت من سما ولقيتها لسه بتعيط )