نور بحدة / اظن انا قولتلك من شوية ان خلاص موضوع اني انام بعيد عنك انتهى وأنك من النهاردة مش هتنامي غير في حضني
سما / مش بمزاجك
مش بمزاجك تهجرني وترجعلي
حضنك مابقاش مكاني
خليك بعيد زي ماكنت لأنه مش هينفع تقرب
انت مابقاش لك مكان في قلبي
انت لو كنت حبتني اد مابحبك عمرك ما كنت تقسى عليا بالشكل ده
ماقدرش أنكر أنك كنت بتحبني.
لكن خلاص الحب ده ضاع او انتهى تقريبا
لأنك لو كان لسه في شوية حب في قلبك ليا. ماكنتش توجعني ولا تكسرني بالشكل ده
لو كنت بتحبني ماكنتش تقهرني.
انا خلاص مابقتش بحبك. مابقاش لك في قلبي مكان ولا حتى في حياتي
انت انتهيت بالنسبالي
وحبنا اللي كان زمان. انتهى لأنه اللي كان. مش بيرجع والماضي هيفضل ماضي وأنا قررت أعيش حيلة جديدة
نور بجنون من كلامها / وانتي متخيلة أنك هتقدري تعيشي من غيري. انسي كلام المسلسلات ده يا سما وشيليه من دماغك. انا صابر عليكي وبحاول احميكي من غضبي
قولتلك الكلام اللي قولتهولك يوم ماتعبتي كان مجرد كلام وبس مافيش منه حقيقة
سما / كلام. مجرد كلام لكن كسرني مجرد كلام لكن وجعني مجرد كلام لكن قهرني
وياريت ماكنش قصدك لكن لاء انت كنت قاصد وبنفسك قولتلي انا قولت كدة علشان اوجعك وفاكر أن كدة مفروض اسامحك لأنه مجرد كلام قولته علشان توجعني. انت بالمبرر ده بتوجعني اكتر
واطمن انا هقدر أعيش من غيرك. زي ما عرفت أعيش قبل كدة وابدأ من جديد. هعيش تاني وابدأ تاني حياة جديدة انت مش موجود فيها والمرة دي البداية هتبقى اقوى لأنها مش بس علشاني دي علشان بنتي. اللي بسببك انا أهملتها
هعيش من غيرك يا نور وانت شوف حياتك مع غيري لأن خلاص لا انت ليا ولا انا بقيت ليك